ភ្នំពេញ ​៖ នៅ​ព្រឹក​ថ្ងៃអាទិត្យ ទី​២៧ ខែធ្នូ ឆ្នាំ​២០១៥ អាជ្ញាធរ​សង្កាត់​-​ភូមិ និង​យុវជន ដឹកនាំ​ដោយ​លោក ព្រាប មុនី ចៅសង្កាត់​ព្រែកលៀប បាន​នាំយក​អំណោយ​ទៅ​ចែកជូន និង​សួ​សុខទុក្ខ​ប្រជាពលរដ្ឋ​ក្រីក្រ ចំនួន ៥ គ្រួសារ រស់នៅក្នុង​ភូមិ​បាក់​ខែង សង្កាត់​ព្រែកលៀប  ខណ្ឌ​ជ្រោយចង្វារ  រាជធានី​ភ្នំពេញ​។​

ប្រជាពលរដ្ឋ​ទាំង​៥​គ្រួសារ ក្នុង​១​គ្រួសារ ទទួលបាន អង្ករ ១៥ គក មី​១​កេស​តូច ទឹកត្រី ១​យួ ទឹកស៊ីអ៊ីវ​១​យួ ទឹក​សុទ្ធ​២​យួ សារុង​១ និង​ថវិការ ១០ ម៉ឺន​រៀល ដែលជា​អំណោយ​របស់ ឯកឧត្ដម អ៊ុំ សា​រឹទ្ធ ប្រធាន​ក្រុមការងារ​ចុះជួយ​ខណ្ឌ ឯកឧត្ដម ប៊ុន វុ​ទ្ធា ប្រធាន​ក្រុមការងារ​ចុះជួយ​សង្កាត់ លោកស្រី កែវ ច័ន្ទ​ស៊ុន​ណា​រី អភិបាលរងខណ្ឌ​ជ្រោយចង្វារ និង​លោក ព្រាប មុនី ចៅសង្កាត់​។​

ឆ្លៀតឱកាស ​នោះដែរ លោក ព្រាប មុនី បាន​មានប្រសាសន៍​សំណេះសំណាល សាកសួរ​សុខទុក្ខ​បងប្អូន​ប្រជាពលរដ្ឋ ក្នុង​បរិយាកាស​ដ៏​រីករាយ​ក្រៃលែង​។ ជា​ចុងបញ្ចប់​បងប្អូន​ប្រជាពលរដ្ឋ​ក៏បាន​ថ្លែងអំណរគុណ និង​ជូនពរ​ដល់​លោក ព្រាប មុនី និង​ថ្នាក់ដឹកនាំ និង​ចុះជួយ ទាំងអស់​ឲ្យ​ជួបតែ​សេចក្តីសុខ និង​សម្រេច​គ្រប់​ក្តី​ប្រាថ្នា​ផងដែរ​។​ដោយ មែន កំសត់​